ໜ່ວຍສິລະປະສະໝັກຫຼິ້ນທະຫານແຂວງຊຽງຂວາງ ສະແດງຜ່ານລາຍການ
ກາງເດືອນກັນຍາ ຜ່ານມານີ້, ໜ່ວຍສິລະປະສະໝັກຫຼິ້ນ ກອງບັນຊາການທະຫານແຂວງຊຽງຂວາງ ໄດ້ເຝິກ ຊ້ອມສະແດງຜ່ານລາຍການເປັນ
ຮອບທີ 2 ໂດຍມີ ສະຫາຍ ພົນຈັດຕະວາ ຂັນທອງ ວົງອຳຄາ ຫົວໜ້າການເມືອງກອງບັນຊາການທະຫານແຂວງຊຽງຂວາງ, ມີຄະນະພັກ-ຄະນະບັນ
ຊາອົງການ 5 ຫ້ອງ, ພະແນກການທີ່ກ່ຽວຂ້ອງຕະຫຼອດຮອດພະນັກງານ-ນັກຮົບ ເຂົ້າຮ່ວມຮັບຊົມ ແລະ ຮັບຟັງ. ເຊິ່ງລາຍການທີ່ນຳມາສະແດງຄັ້ງນີ້:
ປະກອບມີບົດເພງ 2 ບົດ ແລະ ຂັບລຳ 2 ບົດ ເພື່ອກະກຽມເຂົ້າແຂ່ງຂັນງານແຂ່ງຂັນນັກຮ້ອງ-ຂັບລຳສຽງດີ ທົ່ວກອງທັບ ຄັ້ງທີ IV ທີ່ກອງບັນຊາ
ການທະຫານແຂວງຊຽງຂວາງໄດ້ຮັບກຽດເປັນເຈົ້າພາບ ແນໃສ່ເພື່ອຕ້ອນຮັບວັນສ້າງຕັ້ງກອງທັບປະຊົນຊົນລາວ ຄົບຮອບ 75 ປີ ໃຫ້ມີບັນຍາກາດ
ຟົດຟື້ນມ່ວນຊື່ນຍູ້ແຮງຂະບວນການລວມຂອງກົມກອງ; ສຳລັບບົດເພງ-ຂັບລຳດັ່ງກ່າວ ເປັນບົດເພງ-ຂັບລຳທີ່ປະດິດຄິດແຕ່ງຂຶ້ນໃໝ່ ເຊິ່ງແຕ່ລະບົດ
ນັ້ນລ້ວນແລ້ວແຕ່ສ່ອງແສງເຖິງມູນເຊື້ອ, ການກຳເນີດເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ ແລະ ຄວາມຈະເລີນຮຸ່ງເຮືອງສີວິໄລຂອງ
ປະເທດຊາດ, ຄວາມຢູ່ເຢັນເປັນ ສຸກຂອງປວງຊົນລາວທັງຊາດຈາກການເຝິກຊ້ອມ ແລະ ສະແດງຜ່ານຕົວຈິງນັກຮ້ອງ-ນັກຂັບລຳ ສາມາດສະແດງພະ
ລັງສຽງ, ລີລາທ່າຈັງຫວະຂອງຕົນອອກມາໄດ້ດີສົມຄວນ. ໃນຕອນທ້າຍ ຄະນະພັກ-ຄະນະບັນຊາກອງບັນຊາການທະຫານແຂວງຊຽງຂວາງ ໄດ້ສະ
ແດງຄວາມຍ້ອງຍໍຊົມເຊີຍຕໍ່ນັກຮ້ອງ-ນັກຂັບລຳທີ່ສາມາດເຝິກຊ້ອມ ແລະ ສະແດງຜ່ານລາຍ ການອອກມາໄດ້ດີ ພ້ອມທັງຮຽກຮ້ອງໃຫ້ສຸມໃສ່ການ
ເຝິກຊ້ອມໃຫ້ດີຂຶ້ນກວ່າເກົ່າ ເພື່ອຍາດຊີງເອົາລາງວັນອັນສູງສຸດ ແລະ ສົມກຽດມາໃຫ້ກົມກອງ. ໃນໂອກາດທີ່ໜ່ວຍສິລະປະສະແດງຜ່ານລາຍການ
ໃນຄັ້ງນີ້ ອົງການຈັດຕັ້ງຊາວໜຸ່ມ-ແມ່ຍິງ ໄດ້ນຳເອົາວັດຖຸປັດໄຈຈຳນວນໜຶ່ງມາມອບໃຫ້ໜ່ວຍສິລະປະສະໝັກຫຼິ້ນຕື່ມອີກ.
ແຫຼ່ງທີ່ມາ: ໜັງສືພິມກອງທັບ
ວັນທີ 04/10/2023